নগাঁওঃ ‘কোনোৱে মোক সাম্প্ৰদায়িক মন্তব্য দিয়া বুলি ভাবিব পাৰে৷ আমি বেংগলী লোকসকলক দোষী সাব্যস্ত কৰা বুলি ভাবিব পাৰে৷ বেংগলী লোকসকলক বৰ্জন কৰা বুলি ভাবিব পাৰে৷ দোষী সাব্যস্ত কৰা বুলি ভাবিব পাৰে৷ কিন্তু কি কাৰণে এনেকৈ ক’বলৈ বাধ্য হৈছো সেয়া শুনক৷ বছৰ বছৰ তেওঁলোকে অসমৰ মাটিত আছে, অসমীয়াৰ লগত আছে৷ কিন্তু আজি তেওঁলোকে হিন্দু বাংলাদেশীৰ কথা কয়, হিন্দু বাংলাদেশীক সুৰক্ষা দিবলৈ যায়৷ লগতে এইটোও কও যে এতিয়া নতুনকৈ এনে এটা বেংগলী পৰিয়াল বিচাৰি নাপাও যিয়ে মোৰ মাতৃভূমিক শ্ৰদ্ধা কৰে, যিয়ে মোৰ মাতৃভাষাক শ্ৰদ্ধা কৰে৷ সেই কাৰণে আমি বাংলাভাষীৰ অত্যাচাৰ সহ্য কৰা নহ’ব বুলি কৈছো৷’-নগাঁৱত আজি এইদৰে উদাত্ত ভাষণ আগবঢ়াই প্ৰাক্তন আলফা জিতেন দত্তই৷
উল্লেখ্য যে সতীৰ্থক অনা-অসমীয়া ব্যৱসায়ীৰ দল এটাই ষড়যন্ত্ৰমূলকভাৱে হত্যাৰ চেষ্টা চলোৱাত ক্ষোভিত হৈ পৰিছে প্ৰাক্তন আলফা৷ নগাঁৱৰ এটি বাংলা ভাষী পৰিয়ালে নিজৰ ব্যৱসায় প্ৰতিষ্ঠানত বান সাহায্য দিব বুলি মাতি নি মুন বৰা সহিতে ৬গৰাকী প্ৰাক্তন আলফাক হত্যাৰ চেষ্টা চলোৱা কাৰ্যক সহজে লোৱা নাই প্ৰাক্তন আলফাই৷
