নগাঁৱত শিৱৰাত্ৰিৰ গইনা লৈ ভাঙৰ মুকলি বেহা

জয়ন্ত মুদৈ, নগাঁওঃ সমগ্ৰ ৰাজ্যৰ দৰে নগাঁও জিলাৰো সৰ্ব প্ৰান্ততে সোমবাৰে ব্যাপক উৎসাহ-উদ্দীপনাৰ মাজেৰে পালন কৰা হয় মহাশিৱৰাত্ৰি মহোৎসৱ৷ দেৱাদি দেৱ মহাদেৱক আৰাধনা কৰাৰ নিমিত্তে পুৱাৰেপৰা ভক্তৰ সমাগমেৰে উদুলি-মুদুলি হৈ পৰা মন্দিৰ-দেৱালয়সমূহত সন্ধ্যালৈ বিৰ দি বাট নোপোৱা পৰিস্থিতিৰ সৃষ্টি হোৱা দেখিবলৈ পোৱা যায়৷ 

কিন্তু নগাঁও চহৰৰ লগতে ইয়াৰ পাৰ্শ্বৱৰ্তী একাংশ মহোৎসৱস্থলীত অবাধে ভাঙৰ মুক্ত বেহা চলা কাৰ্যই ব্যাপক প্ৰতিক্ৰিয়াৰ উদ্ভৱ হৈছে সচেতন লোকৰ মাজত৷ প্ৰধানকৈ শিৱৰাত্ৰিৰ গইনা লৈ একাংশ মন্দিৰ প্ৰাংগণত স্থাপন কৰা অস্থায়ী দোকানত সম্পূৰ্ণ মুকলিভাৱেই বিক্ৰী কৰা হৈছে নিষিদ্ধ ভাং৷