নগাঁও-কলিয়াবৰত ২০ হাজাৰ ‘ডি’ ভোটাৰ

নগাঁওঃ এপ্ৰিল মাহৰ ১১ তাৰিখৰপৰা দেশত ৭ টা পৰ্যায়ত অনুষ্ঠিত হ’বলগীয়া লোকসভা নিৰ্বাচন অসমৰ অন্যান্য জিলাৰ লগতে নগাঁও জিলাত সুচাৰুৰূপে অনুষ্ঠিত কৰাৰ বাবে জিলা প্ৰশাসনে প্ৰয়োজনীয় সকলো পদক্ষেপ গ্ৰহণৰ দিশে আগবাঢ়িছে৷

সোমবাৰে নগাঁও জিলা উপায়ুক্তৰ কাৰ্যালয়ত আয়োজিত নিৰ্বাচন সম্পৰ্কীয় সংবাদমেলত নগাঁও আৰু কলিয়াবৰ সংসদীয় সমষ্টিৰ ৰিটাৰ্ণিং বিষয়া তথা জিলা উপায়ুক্ত যাদৱ শইকীয়াই এই সংসদীয় সমষ্টি দুটাত ভোটদান প্ৰক্ৰিয়া স্বচ্ছ আৰু নিকা কৰাৰ বাবে প্ৰয়োজনীয় সকলো ব্যৱস্থা গ্ৰহণ কৰা হ’ব বুলি জানিবলৈ দিয়ে৷