জয়ন্ত মুদৈ, নগাঁওঃ নগাঁও সদৰৰ টেলিভিছন সাংবাদিকসকলৰ একত্ৰিত মঞ্চ নগাঁও ইলেকট্ৰ’নিক মিডিয়া এছ'চিয়েশ্বন চমুকৈ 'নেমা'ৰ নতুন সমিতিখন গঠন কৰা হয়।
নগাঁও ইলেকট্ৰ’নিক মিডিয়া এছ'চিয়েশ্বনৰ আমোলাপট্টি থকা কাৰ্যালয়ত তপন বৰাৰ পৌৰহিত্যত অনুষ্ঠিত হোৱা এক সভাত আগন্তুক দুটা বৰ্ষৰ বাবে নতুন সমিতিখন গঠন কৰা হয়।
জ্যেষ্ঠ সাংবাদিক কনক হাজৰিকা, মুনীন্দ্ৰ শইকীয়া আৰু পলাশ ৰঞ্জন দাসক উপদেষ্টা হিচাপে নিৰ্বাচিত কৰি বীৰেন বৰাক সভাপতি, কবিন গায়নক উপ-সভাপতি আৰু জ্যোতিপ্ৰসাদ বৰাক সাধাৰণ সম্পাদক হিচাপে লৈ এই নতুন সমিতি গঠন কৰা হয়।
ইফালে 'নেমা'ৰ নতুন সমিতিত প্ৰসেনজিৎ মণ্ডলক সহকাৰী সম্পাদক, অজিত কুমাৰ শইকীয়াক বিত্ত সম্পাদক, বিশ্বজিৎ দাসক কাৰ্যালয় সম্পাদক আৰু অজিত শইকীয়াক সাংস্কৃতিক সম্পাদক হিচাপে নিৰ্বাচিত কৰাৰ বিপৰীতে তপন কুমাৰ বৰা, মানৱ জ্যোতি বৰা, মিঠুমুগ্ধ গোঁহাই, ভাস্কৰ জ্যোতি মেধি, আনোৱাৰ আলি হাজৰিকা, মুকুল খান, সোণমনি দাস, লক্ষ্যজ্যোতি বৰা, বিকি দাস, আদিল শ্বাহ, ৰাজু ভূঞা, বিকাশ প্ৰতিম বেজবৰুৱা, অৰূপ কেওঁট, গুনীন্দ্ৰ দাস, নিতুল কলিতা আৰু ৰিকু বৰাক কাৰ্যনিৰ্বাহক সদস্য হিচাপে মনোনীত কৰা হয়।