নগাঁও জিলাত অপৰিৱৰ্তিত বান পৰিস্থিতি… বানৰ কবলত মুঠ ৫৯৫ হেক্টৰ কৃষিভূমি

জয়ন্ত মুদৈ, নগাঁওঃ বিগত কেইবাদিনো ধৰি নেৰানেপেৰাকৈ পৰি থকা বৰষুণৰ ফলত ব্ৰহ্মপুত্ৰ, কপিলি, বৰাপানীকে ধৰি বিভিন্ন নৈ-উপনৈ ফেনে-ফুটুকাৰে উপচি পৰাত নগাঁও জিলাৰ ঠায়ে ঠায়ে অভাবনীয় পৰিস্থিতিৰ সৃষ্টি হৈছে৷ 

জিলাখনৰ চামগুৰি ৰাজহ চক্ৰৰ ৬ খন, ৰহা ৰাজহ চক্ৰৰ ২১ খন আৰু কামপুৰ ৰাজহ চক্ৰৰ ২০ খন গাঁও বানৰ কবলত পৰিছে৷ বানৰ কবলত পৰা গাঁওসমূহ হৈছে চামগুৰি ৰাজহ চক্ৰৰ অন্তৰ্গত ১নং, ২নং আৰু ৪নং ভূৰবন্ধা আৰু ৪নং,৫নং আৰু ৬নং ভগামুখ৷