চকলাঘাট উঃ মাঃ বিদ্যালয়ত প্ৰতিষ্ঠাপক শিক্ষক হলধৰ মূদৈৰ আবক্ষ মূৰ্তি স্থাপন

নগাঁওঃ নগাঁও জিলাৰ হাতীচোং মৌজাৰ অগ্ৰনী উচ্চ শিক্ষাৰ অনুষ্ঠান চকলাঘাট উচ্চতৰ মাধ্যমিক বিদ্যালয়ৰ প্ৰতিষ্ঠাপক শিক্ষক প্ৰয়াত হলধৰ মূদৈৰ এক আবক্ষ মূৰ্তি দেওবাৰে বিদ্যালয়খনৰ প্ৰাংগণত আনুষ্ঠানিকভাৱে উন্মোচন কৰা হয়৷

এই মৰ্মে, বিদ্যালয় প্ৰাংগণত আয়তিৰ উৰুলি আৰু গায়ন-বায়নৰ গুৰুঘাটৰ মাংগলিক ধ্বনিৰ মাজেৰে এক গাম্ভীৰ্যপূৰ্ণ পৰিৱেশত শিক্ষাযোগীগৰাকীৰ আবক্ষ মূৰ্তিভাগ আনুষ্ঠানিকভাৱে উন্মোচন কৰে শংকৰী সংস্কৃতিৰ বিশিষ্ট গবেষক ড° নৰেন কলিতাই৷ আবক্ষ মূৰ্তি উন্মোচন কৰি ড° কলিতাই কয় যে, হলধৰ মূদৈ আছিল গুনীৰো গুনী মানৱপ্ৰেমী মানুহ৷ স্বাধীনোত্তৰ কালতে ১৯৪০ চনৰ ৩ মাৰ্চত হলধৰ মূদৈয়ে আৰম্ভ কৰা এই বিদ্যা মন্দিৰে সগৌৰৱেৰে হীৰক জয়ন্তী গৰকি সমগ্ৰ অঞ্চলটোক শিক্ষাৰ পোহৰ বিলাই আহিছে৷ সেয়ে হলধৰ মূদৈৰ দৰে মহান ব্যক্তিসকল মৰিও অমৰ৷