নগাঁৱৰ হেমাৰবড়িত ভয়াৱহ অগ্নিকাণ্ড

নগাঁওঃ নগাঁও জিলাৰ জাজৰি থানাৰ এলেকাধীন হেমাৰবড়িত সংঘটিত হোৱা এক ভয়াৱহ অগ্নিকাণ্ডত এটা পৰিয়ালৰ যথেষ্ট ক্ষতি সাধন হয়৷ জানিব পৰা মতে, মঙলবাৰে পুৱা প্ৰায় চাৰে পাঁচ বজাত হেমাৰবড়ি নিবাসী চন্দ্ৰমাই ডেকা নামৰ মহিলাগৰাকীৰ ঘৰৰ সন্মুখত থকা এটা খেৰৰ মেজিত জুই লাগে৷ 

নিমিষতে জুইৰ লেলিহান শিখাই সমগ্ৰ মেজিটো আগুৰি ধৰি গ্ৰাস কৰি পেলাৱাত সমগ্ৰ অঞ্চলটোতে হুৱা-দুৱা লাগে আৰু এক আতংকময় পৰিস্থিতিৰ সৃষ্টি হয়৷ ঘটনাৰ খবৰ পাই লগে লগে জাজৰি আৰক্ষী ঘটনাস্থলীত উপস্থিত হৈ অগ্নি নিৰ্বাপক বাহিনী আৰু স্থানীয় ৰাইজৰ সহযোগত বহু চেষ্টাৰ অন্তত জুই নিৰ্বাপন কৰিবলৈ সক্ষম হয়৷