ভূমি বেদখলকাৰীৰ প্ৰৰোচনাত পৰি যুৱ শ্ৰমিকৰ অকাল মৃত্যু

নগাঁওঃ নগাঁও জিলাৰ পশ্চিম প্ৰান্তৰ বটদ্ৰৱাৰ সমীপৰ আহোমগাঁও আৰক্ষী চকীৰ এলেকাধীন কটহগুৰিত ভূমি বেদখলকাৰীৰ প্ৰৰোচনাত পৰি এগৰাকী যুৱ শ্ৰমিকৰ অকাল মৃত্যু হোৱা ঘটনাই সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি কৰিছে। 

জানিব পৰা মতে, টুকটুকী অঞ্চলৰ নেকবৰ আলী, মনিৰ উদ্দিন, আলী আকবৰ আৰু শিলপুখুৰীৰ আব্দুল ৰহিম নামৰ চাৰিজন লোকে দীৰ্ঘদিন ধৰি কটহগুৰি সমবায় সমিতিৰ চৰকাৰী ভূমি অবৈধভাৱে দখল কৰি উক্ত ঠাইত গৃহ নিৰ্মাণ কৰিবলৈ প্ৰস্তুতি চলাই আহিছিল। যোৱা নিশা আন্ধাৰৰ সুযোগ লৈ বেদখলকাৰী লোককেইজনে চমকা গাঁৱৰ জিয়াৰুল হক নামৰ এজন শ্ৰমিকক জোৰ জবৰদস্তি কৰি উক্ত সমবায়ৰ সন্মুখত থকা বেদখলকৃত ভূমিত এটি দোকান ঘৰ নিৰ্মাণৰ কামত নিয়োজিত কৰে।