নগাঁৱৰ উকহাপাৰত ১২ যোৰা দৰা-কইনাৰ সমূহীয়া বিবাহ সম্পন্ন

জয়ন্ত মুদৈ, নগাঁওঃ আয়তিসকলৰ জাক জাক উৰুলীত দেওবাৰে নিশালৈকে উখল মাখল হৈ থাকে নগাঁও জিলাৰ পশ্চিম প্ৰান্তৰ এখন অতি পিছপৰা ভিতৰুৱা জনজাতি গাঁও উকহাপাৰ৷

এই উকহাপাৰ গাঁৱৰ সাতামপুৰুষীয়া নামঘৰটোৰ প্ৰাংগণতে শ্ৰীমন্ত শংকৰদেৱ সংঘৰ উকহাপাৰ প্ৰাথমিক আৰু গাঁও ৰক্ষী বাহিনীৰ যৌথ উদ্যোগত ২৪ টা দৰিদ্ৰ পৰিয়ালৰ দৰা-কইনাৰ মাজত এক সামূহিক বিবাহ সম্পন্ন কৰি তেওঁলোকক অসমীয়া বিবাহৰ সকলো পৰম্পৰা পালন কৰি সামাজিকভাৱে পতি-পত্নী ৰূপে স্বীকৃতি দিয়া হয়৷