64
নগাঁওঃ নগাঁও চহৰৰ ঐতিহ্যমণ্ডিত কলঙৰ বাকৰি নেহেৰুৱালিৰ প্ৰদীপ শইকীয়া ক্ষেত্ৰত যোৱা ৩১ অক্টোবৰৰপৰা চলি থকা উত্তৰ পূব শিশু গ্ৰন্থমেলাৰ আজি ষষ্ঠ দিনাও গ্ৰন্থপ্ৰেমীৰ উৎসাহজনক সহাঁৰি পৰিলক্ষিত হয়। গ্ৰন্থমেলাৰ বিপনীসমূহত গ্ৰন্থপ্ৰেমীসকলে নিজৰ নিজৰ পচন্দৰ কিতাপ বিচাৰি পুৱাৰেপৰা ভিৰ কৰাৰ সমান্তৰালকৈ গ্ৰন্থমেলাৰ বিভিন্ন কাৰ্যসূচীতো অংশগ্ৰহণ কৰে।
আজি পুৱা ১০ বজাৰপৰা গ্ৰন্থমেলাত চি ভি ৰমণ কনিষ্ঠ মহাবিদ্যালয়ৰ উদ্যোগত ’ভূপেন হাজৰিকাৰ গীত আৰু সুৰ’ শীৰ্ষক আলোচনা-চক্ৰ অনুষ্ঠিত হয়। হেমকান্ত হাজৰিকাৰ সঞ্চালনাত অনুষ্ঠিত এই আলোচনা-চক্ৰখনিত সাহিত্যিক ৰতিমোহন নাথ, বসন্তকৌশিক ভাগৱতী বক্তা হিচাপে অংশগ্ৰহণ কৰি সুধাকণ্ঠ ভূপেন হাজৰিকাৰ গীত আৰু কবিতাৰ আলোকপাত কৰে।