নগাঁওঃ নিৰ্বাচনী আচৰণ বিধি বলবৎ হৈ থকাৰ সময়তে নগাঁও জিলাৰ জাজৰি আৰক্ষী থানাৰ এলেকাধীন ৰাইদঙীয়াত বুজন পৰিমাণৰ ধন উদ্ধাৰ হোৱা ঘটনা সংঘটিত হৈছে।
জাজৰি আৰক্ষী আৰু ফ্লায়িং স্কোৱাডৰ তালাচীত বৃহস্পতিবাৰে নিশা নগাঁও-বটদ্ৰৱা-ধিং সংযোগী পথৰ ৰাইদঙীয়াত ৰাতুল শইকীয়া নামৰ এজন লোকে এ এছ-০৫-এফ ৮১৫৮ নম্বৰৰ এখন স্কঅ’পিয়' গাড়ীৰে গোলাঘাটৰপৰা ধিঙলৈ গৈ থকা অৱস্থাত গাড়ী খনৰপৰা ১•২৫ লাখ টকা জব্দ কৰা হয়।
উল্লেখ্য, ইয়াৰ পূৰ্বে জাজৰি আৰক্ষীয়ে কিছুদিনৰ পূৰ্বে পৃথক পৃথক অভিযানত দুবাৰকৈ বৃহৎ পৰিমাণৰ ধন উদ্ধাৰ কৰিবলৈ সক্ষম হৈছিল।