51
জয়ন্ত মুদৈ, নগাঁওঃ বিগত বৰ্ষৰ ৮ জুনত কাৰ্বি আংলং জিলাৰ ডকমকাত এদল উন্মত্ত লোকে মৰিয়াই মৰিয়াই অতি নৃশংসভাৱে হত্যা কৰিছিল গুৱাহাটীৰ দুই যুৱক অভিজিৎ নাথ আৰু নিলোৎপল দাসক।
এই হত্যাকাণ্ডৰ গোচৰত শেহতীয়াকৈ ভাষ্য সলনি কৰা দুজনকৈ চাক্ষুক সাক্ষী নোমল বসুমতাৰী আৰু উজ্বল মেঁচৰ শনিবাৰে নগাঁও আদালতত ক্ৰছ পৰীক্ষা কৰা হয়। ক্ৰছ পৰীক্ষাৰ অন্তত ভাষ্য সলনিৰ স্থিতিত অটল থকাৰ বাবে নগাঁৱৰ জিলাও সত্ৰ ন্যায়াধীশ ৰীতা কৰৰ আদালতে দুয়োকে হ’ষ্টাইল অৰ্থাৎ প্ৰতিকূল সাক্ষী ঘোষণা কৰে। ইয়াকে লৈ এতিয়া শংকিত হৈ পৰিছে অভি-নীলৰ পিতৃ।