নলবাৰীত আৰ্হি ভোটগ্ৰহণ কেন্দ্ৰ

নলবাৰীঃ নলবাৰীত নিৰ্বাচনক লৈ উখল-মাখল পৰিৱেশ বিৰাজ কৰাৰ সময়তে নলবাৰী ৰাজহ চক্ৰ বিষয়াৰ কাৰ্যালয় চৌহদত বুধবাৰে ‘কাঞ্চনমুখী’ নামেৰে এটা আৰ্হি ভোটগ্ৰহণ কেন্দ্ৰ স্থাপন কৰা হয়। ৮ নং মংগলদৈ লোকসভা সমষ্টিৰ অন্তৰ্গত ৫৯ নলবাৰী বিধানসভা সমষ্টিৰ নলবাৰী ৰাজহ চক্ৰ বিষয়াৰ কাৰ্যালয় চৌহদত স্থাপন কৰা কেন্দ্ৰটোত কেন্দ্ৰীয় পৰ্যবেক্ষক জে এম পাঠানীয়াই আগন্তুক লোকসভা নিৰ্বাচনত ভোটাৰসকলৰ ভোটদানত সহায়ক হোৱাকৈ এক ডেমনষ্ট্ৰেচন কাৰ্যৰ শুভাৰম্ভ কৰে। 

কেন্দ্ৰীয় নিৰ্বাচনী পৰ্যবেক্ষকগৰাকীয়ে প্ৰতীকীভাৱে প্ৰথমটো ভোটদান কৰাৰ পিছতেই দ্বিতীয়টো ভোটদান কৰে নলবাৰী জিলাৰ উপায়ুক্ত ভাৰতভূষণ দেৱচৌধুৰীয়ে। প্ৰতীকী ভোটদান পৰ্বত এগৰাকী বিশেষভাৱে সক্ষম ভোটাৰকো হুইল চেয়াৰত ভোটদানৰ বাবে অনা দেখা যায়।