প্ৰতিশ্ৰুতিৰ বন্যাৰে কংগ্ৰেছ প্ৰাৰ্থী ভুৱনেশ্বৰ কলিতাৰ সংবাদমেল

নলবাৰীঃ মঙলদৈ লোকসভা সমষ্টিৰ বিজেপি প্ৰাৰ্থী দিলিপ শইকীয়াক যোৱা ২৩ মাৰ্চত নলবাৰী সমষ্টি বিধায়ক অশোক শৰ্মা আৰু জিলা বিজেপিৰ সভাপতি বনদ্বীপ ডেকাৰ নেতৃত্বত সহস্ৰাধিক ৰাইজে আদৰণি জনোৱাৰ পিছত যোৱা কালি ২৬ মাৰ্চৰ দিনা নলবাৰীত লোকসভা সমষ্টিটোৰ কংগ্ৰেছ প্ৰাৰ্থী ভুৱনেশ্বৰ কলিতাকো আদৰণি জনোৱা হয়৷ 

তদুপলক্ষে সন্ধিয়া নলবাৰী চহৰৰ নন্দেশ্বৰ শইকীয়া ভৱনত এখন সংবাদ মেল আয়োজন কৰা হয়। জিলা কংগ্ৰেছৰ সাধাৰণ সম্পাদক দিব্য জ্যোতি হালৈ আঁত ধৰা সংবাদ মেলত মঙলদৈ লোকসভা সমষ্টিৰ কংগ্ৰেছৰ প্ৰাৰ্থী ভুৱনেশ্বৰ কলিতা, কংগ্ৰেছ নেতা প্ৰদ্যুত কুমাৰ ভূঞা, শৰৎ কলিতা, পাপৰি মালাকৰ, মজিব আলী, উদ্দিপন পাটোৱাৰীসহ বহু সংখ্যক দলীয় কৰ্মী উপস্থিত থাকে।