57
newsnextone.com | আমগুৰিঃ জাতি, মাটি, ভেটি ৰক্ষাৰ প্ৰতিশ্ৰুতি দি দিছপুৰৰ গাদী দখল কৰা বিজেপি চৰকাৰে সমাগত পঞ্চায়ত নিৰ্বাচনক লৈ কঁকালত টঙালি বান্ধিছে৷ সমগ্ৰ ৰাজ্যজুৰি পঞ্চায়ত সমূহত আৰম্ভ কৰিছে ব্যাপক প্ৰস্তুতি৷ চৰকাৰে উন্নয়নৰ শ্ল’গান লৈ পুনৰ ৰাইজৰ ওচৰ চাপিছে৷
কিন্তু ৰাজ্যত আজিও এজাক বৰষুণতে লাখ লাখ গ্ৰাম্য এলেকাৰ মানুহে ঘৰৰ পৰা ওলাব নোৱাৰে৷ পথাৰৰ ৰূপ লয় গ্ৰাম্য পথ সমূহে৷ উজনিৰ শিৱসাগৰ জিলাৰ আমগুৰি বিধানসভা সমষ্টিতো আছে এনে বহু বাট-পথ৷ আমগুৰি বিধানসভা সমষ্টিৰ উন্নয়ন কৰিব নোৱাৰাৰ অভিযোগ উত্থাপন হৈ অহাৰ সময়তে একাংশ গ্ৰাম্য পথ বছৰ বছৰ ধৰি মেৰামতি হোৱা কৰা পৰিলক্ষিত হোৱা নাই৷ তেনেই এটা পথ হৈছে সমষ্টিৰ নামতিৰ দোলীয়া-লোণপুৰীয়া সংযোগী পথ।
