কোকৰাঝাৰঃ চিৰাং জিলাৰ উলুবাৰী ফুলকুমাৰী গাওঁত যোৱাকালি দধীৰাম নাথৰ সভাপতিত্বত অনুষ্ঠিত হোৱা এক সাধাৰণ সভাৰ জৰিয়তে চিৰাং জিলা নাথ যোগী ছাত্ৰ সন্থাৰ জিলা সমিতিখন গঠন কৰা হয়।
ৰাজকুমাৰ নাথক সভাপতি আৰু কৰুণা নাথক সম্পাদক হিচাপে লৈ ২১ জনীয়া চিৰাং জিলা নাথ যোগী ছাত্ৰ সন্থা সমিতিখন গঠন কৰা হয়।
চিৰাং জিলা নাথ যোগী ছাত্ৰ সন্থা গঠন উপলক্ষে অনুষ্ঠিত হোৱা সভাত বি টি চি নাথ যোগী ছাত্ৰ সন্থাৰ সম্পাদক অৰবিন্দ নাথ মুখ্য অতিথি হিচাপে উপস্থিত থাকি নিজ ভাষণত স্বগোষ্ঠীয় জনগোষ্ঠীৰ উন্নয়নৰ হকে কাম কৰিবলৈ সকলোকে আহ্বান জনায়।
উক্ত সভাত নাথ যোগী ছাত্ৰ সন্থাৰ উপ সভাপতি সনজিৎ নাথ, সাংগঠনিক সম্পাদক জিবুৰাম নাথকে ধৰি কেবাগৰাকী বিশিষ্ট ব্যাক্তিয়ে অংশগ্ৰহণ কৰাৰ লগতে জিলাখনৰ বিভিন্ন ঠাইৰ পৰা কেবাশতাধিক ৰাইজে অংশগ্ৰহণ কৰে।