ম্যানমাৰত প্ৰশিক্ষণপ্ৰাপ্ত এনডিএফবি সদস্য আটক

কাজলগাঁওঃ চিৰাং আৰক্ষী আৰু ভাৰতীয় সেনাৰ সপ্তম শিখলাই ৰেজিমেন্টৰ অভিযানত চিৰাঙৰ চিদলী আৰক্ষী থানাৰ অন্তৰ্গত পলাশবাৰীৰ ৩১ নং ৰাষ্ট্ৰীয় ঘাইপথত এনডিএফবি ছংবিজিত পন্থীৰ এজন দুৰ্ধৰ্ষ সদস্যক গ্ৰেপ্তাৰ কৰে।

ধৃত সদস্যজন ৰুণীখাতা থানাৰ অন্তৰ্গত ১নং টুক্ৰাঝাৰৰ সুদেম নাৰ্জাৰী ওৰফে এন ছুজুখাং নাৰ্জাৰী বুলি জানিব পৰা গৈছে। ধৃত সদস্যজনৰ পৰা  সেনা-আৰক্ষীয়ে এটা ৭.৬৫ পিষ্টল, দুটা মেগজিন, পাঁচজাই সজীৱ গুলী উদ্ধাৰ কৰে।