ডিজিটেল ডেস্কঃ পুনৰ এবাৰ জয়যাত্ৰা অক্ষুন্ন ৰাখিলে ছাত্ৰীয়ে৷ আজি ঘোষিত নেচনেল এলজিবিলিটি কাম এনট্ৰেন্চ টেষ্ট(নিট)ত উত্তীৰ্ণ হ’ল প্ৰায় ৩লাখ ছাত্ৰী৷ ইয়াৰ বিপৰীতে প্ৰায় ২লাখ ছাত্ৰ উত্তীৰ্ণ হয় এই পৰীক্ষাত৷
সন্মানীয় এমবিবিএছ আৰু বিডিএছৰ প্ৰৱেশ পৰীক্ষাত পাঞ্জাৱৰ নৱদীপ সিঙে শীৰ্ষ স্থান লাভ কৰে৷ মধ্য প্ৰদেশৰ অৰ্চিত গুপ্তা আৰু মনিষ মুলচান্দনীয়ে দ্বিতীয় আৰু তৃতীয় স্থান লাভ কৰে৷
শীৰ্ষ স্থান লাভ কৰা নৱদীপ সিঙে ৭২০ৰ ভিতৰত ৬৯৭ নম্বৰ লাভ কৰে৷ দিল্লীৰ মৌলানা আজাদ চিকিৎসা মহাবিদ্যালয়ত চিকিৎসা শিক্ষা গ্ৰহণৰ ইচ্ছা মেধাৱী ছাত্ৰজনৰ৷
মে' মাহত অনুষ্ঠিত এই পৰীক্ষাত ১১লাখ ৩৮হাজাৰ ৮৯০গৰাকী পৰীক্ষাৰ্থী অৱতীৰ্ণ হৈছিল৷ আৰু ৬লাখ ১১হাজাৰ ৫৩৯গৰাকী পৰীক্ষাৰ্থী উত্তীৰ্ণ হৈছে৷ উল্লেখযোগ্য যে এইবাৰ পোনপ্ৰথমবাৰৰ বাবে ভাৰতীয় মূলৰ শিক্ষাৰ্থীক উক্ত পৰিক্ষাত বহিবলৈ অনুমতি দিয়া হৈছে৷ চিবিএছইয়ে দেশৰ মুঠ ১০৩খন চহৰত এই পৰীক্ষা অনুষ্ঠিত কৰিছিল৷