অসম সন্তানক অপমান তিনিচুকীয়া প্ৰশাসনৰ

কাকপথাৰঃ হাত এৰি চাইকেল চলাই অভিলেখ গঢ়াৰ দিশে অসম সন্তান ভূপেন লিকচন৷ ৫৩ বছৰীয়া ভূপেনে এই ৰেকৰ্ড গঢ়াৰ বাবে বহু বছৰ ধৰি অধ্যৱসায় চলাই গৈছিল৷ তিনিচুকীয়া জিলাৰ মাৰ্ঘেৰিটাৰ জাগুনৰ ভূপেন লিকচনে হেণ্ডেলত হাত নিদিয়াকৈ দেওবাৰে বৰষুণত তিতি-বুৰি বাইচাইকেল চলাই ৱৰ্ল্ড ৰেকৰ্ডছ অব গীনিজ বুকত নিজৰ নাম জিলিকাবলৈ চেষ্টা চলায়৷

আজি পুৱা ৬.১৫ বজাত অসম-অৰুণাচল সীমান্তৰ ডিৰাক গেটৰ পৰা চাইকেলেৰে যাত্ৰা আৰম্ভ কৰি ডুমডুমা চহৰলৈকে সম্পূৰ্ণ ১ ঘন্টাৰ মূৰকত অৰ্থাৎ ৭.১৫ বজাত উপস্থিত হয়৷ ৩৭ কিঃ মিঃ পথ চাইকেলত হাত নিদিয়াকৈ ১ ঘন্টাত অতিক্ৰম কৰি বিশ্ব অভিলেখ কৰাৰ প্ৰয়াস চলায় লিকচনে।