54
ওদালগুৰিঃ ছ’চিয়েল মিডিয়াযোগে এতিয়া সকলোৱে নিজৰ নিজৰ মতামত ব্যক্ত কৰিব পাৰে৷ ফেচবুক, টুইটাৰ, ইনষ্টাগ্ৰাম, হোৱাটছএপ আদিৰে মানুহে নিজৰ মনৰ কথা প্ৰকাশ কৰি আহিছে৷ সাধাৰণ মানুহৰ পৰা চেলিব্ৰেটীলৈ, ৰাজনেতাৰ পৰা সমাজকৰ্মীলৈ সকলোৱে এতিয়া ফেচবুক ব্যৱহাৰ কৰে৷ ফেচবুকত নিজৰ মনৰ কথা কোৱাৰ লগতে চৰকাৰৰ জনবিৰেধী নীতিৰ বিৰুদ্ধে বহু লোকে মত প্ৰকাশ কৰি আহিছে।
নিৰ্বাচনৰ সময়তো ৰাজনৈতিক দলসমূহে নিৰ্বাচনৰ প্ৰচাৰতো ফেচবুকক ব্যৱহাৰ কৰিছে৷ ৰাজনৈতিক দলৰ সমৰ্থকসকলেও ফেচবুকত দলৰ নীতি আদৰ্শ লক্ষ্যৰ কথা প্ৰচাৰ চলাই ভোটাৰক আকৰ্ষণ কৰা দেখা যায়। চৰকাৰৰ জনবিৰোধী কৰ্ম-কাণ্ডৰ বিৰুদ্ধে জনমত গঢ়াত যেন সবল ভূমিকা পালন কৰিছে ছ’চিয়েল মিডিয়াই৷
