বাহাকাবাৰীঃ নিশাৰী নৈৰ বাঢ়নী পানীৰ কবলত পৰিছে নগাঁও জিলাৰ কামপুৰৰ ন ন অঞ্চল। বাঢ়নি পানীয়ে বুৰাই পেলাইছে হাজাৰ হাজাৰ বিঘা কৃষি ভূমি। গৃহহীন হৈ পৰিছে শতাধিক লোক। খাদ্য আৰু চিকিৎসাৰ অভাৱত অসহায় হৈ পৰিছে পশুধন।
কামপুৰ নামবৰ, তেতিলীসৰা, নিজ কামপুৰ, ৰহা সমষ্টিৰ বগলাজান পঞ্চায়তৰ বগলাজান, বাহাকাবাৰী আৰু চাংচকী পঞ্চায়তৰ হাজাৰ হাজাৰ বিঘা কৃষি ভূমি পানীৰ তলত বুৰ যোৱাৰ ফলত মূৰে-কপালে হাত দিছে কৃষকে।
আনহাতে তেতেলীসৰা পঞ্চায়তত কেইবাটাও বাসগৃহ পানীত বুৰ যোৱাত শতাধিক লোক জলবন্দী হৈ পৰিছে। অঞ্চলটোৰ ৰাইজে এনেদৰে বানত ককবকাবলগীয়া হোৱাৰ পিছতো জিলা প্ৰশাসনৰ তৰফৰ পৰা সাহায্যৰ কোনো ব্যৱস্থা গ্ৰহণ নকৰাৰ অভিযোগ উত্থাপিত হৈছে।