পৰম্পৰা ৰক্ষাৰ নামত উলংগ কিশোৰীক ১৫ দিনে কৰা হয় পূজা

ডিজিটেল ডেস্কঃ পৰম্পৰা ৰক্ষাৰ নামত আমাৰ দেশত ঢাল হিচাপে ব্যৱহাৰ কৰা হয় কিশোৰীক৷ পৰম্পৰা ৰক্ষাৰ নামত একাংশ লোকে অনৈতিক কাম কৰাৰ খবৰ সময়ে সময়ে সংবাদ মাধ্যমত প্ৰকাশ তথা প্ৰচাৰ হৈ আহিছে৷ তাৰ মাজতে পৰম্পৰা ৰক্ষাৰ নামত এনেকুৱা এখন প্ৰতিচ্ছবি পোহৰলৈ আহিছে যিখন প্ৰত্যক্ষ কৰি সচেতন লোকৰ চকু কপালত উঠিছে৷ এই খবৰটোৱে ৰাষ্ট্ৰীয় সংবাদ মাধ্যমতো বিশেষভাৱে গুৰুত্ব পাইছে৷

তামিলনাডুৰ মদুৰৈৰ এটি মন্দিৰত পৰম্পৰাৰ নামত কিশোৰীক উলংগ কৰা ঘটনাই তীব্ৰ চাঞ্চল্যৰ সৃষ্টি হৈছে৷ জানিব পৰা মতে, মন্দিৰৰ ভিতৰত কিশোৰীক উলংগ কৰি থিয় কৰি ৰখা হয় ১৫ দিন ধৰি৷ ১০ বছৰৰ পৰা ১৪ বছৰীয়া কিশোৰীক উলংগ কৰি ৰখাৰ কেইখনমান আলোকচিত্ৰ পোহৰলৈ অহাৰ পিছতে চৌদিশে হৈ-চৈ লাগে৷ কিশোৰীয়ে দেৱী থিয় দি থকাৰ দৰে থিয় থাকিব লাগে মন্দিৰৰ পূজাৰীৰ সন্মুখত৷