মন্ত্ৰীৰ মতে ১, এচপৰাও মাটি নপৰা ৰঙাপাৰা সমষ্টিৰ গাভৰু নৈৰ পাৰৰ উন্মুক্ত মথাউৰি

তেজপুৰঃ মাজত আৰু মাথো কেইটামান দিন৷ তাৰ পিছতেই আৰম্ভ হ’ব মুষলধাৰ বৰষুণ৷ বৰষুণৰ পিছতেই হেজাৰ হেজাৰ বিঘাৰ খেতি উচন কৰি, অনেক লোকক গৃহহাৰা কৰি চলিব প্ৰলয়ংকাৰী বানৰ তাণ্ডৱ৷ 

প্ৰতিবাৰেই খৰালিৰ সময়ছোৱা শুই বহি বাৰিষালৈ এমাহ থকাৰ সময়তে তৎপৰ হৈ পৰে প্ৰশাসন৷ ক্ষীপ্ৰ গতিৰে ছিঙা মথাউৰিসমূহ পুনৰ নিৰ্মানৰ চেষ্টা চলায় এখন নাটক ৰচনা কৰে চৰকাৰ তথা প্ৰশাসনে৷ মথাউৰি নিৰ্মানৰ বাবে আৱণ্টিত ধনেৰে পকেট গৰম কৰি মথাউৰিৰ নামত বালিৰ পাহাৰ সজাৰ অভিযোগ চৰকাৰ আৰু প্ৰশাসনৰ বিৰুদ্ধে সদায় উত্থাপিত হৈ আহিছে৷ যাৰ ফলত বাৰিষা আহিলেই নৈৰ বুকুত পুনৰ জাহ যায় নৱনিৰ্মিত মথাউৰি৷