ডিজিটেল ডেস্কঃ পুনৰ যুদ্ধ বিৰতি চুক্তি উলংঘন কৰিলে পাকিস্তানে৷ জম্মু কাশ্মীৰৰ আন্তঃ ৰাষ্ট্ৰীয় সীমান্তৰ এলোপাথাৰিত পাকিস্তানৰ সেনাৰ গুলীত পাণ হেৰুৱালে দুগৰাকী সাধাৰণ নাৰগিকে৷ শুকুৰবাৰে পুৱাই পাকিস্তানে সীমান্তৰ ভাৰতৰ জনবসতি এলেকাক লক্ষ্য কৰি নিৰ্বিচাৰ গুলী চালনা কৰে৷
জম্মু কাশ্মীৰৰ আৰ এছপূৰা ছেক্টৰত পাকিস্তানৰ সেনাৰ গুলীত দুগৰাকী লোকৰ থিতাতে মৃত্যু হোৱাৰ লগতে ৩গৰাকী লোক গুৰুতৰ ভাৱে আহত হয়৷ আনহাতে পাকিস্তানৰ সেনাক যোগ্য প্ৰত্যুত্তৰ দিয়ে ভাৰতীয় সেনাই৷ পুৱাৰে পৰা দুয়ো পক্ষৰ মাজত লগা গুলীয়াগুলী বহু সময় অব্যাহত আছিল৷
১৭ জানুৱাৰীত যুদ্ধ বিৰত চুক্তি উলংঘন কৰি আৰ এছপুৰা ছেক্টৰতে পাক সেনাৰ আক্ৰমণত এগৰাকী বিএছএফৰ জোৱান আৰু স্থানীয় ১৭ বছৰীয়া যুৱকৰ মৃত্যু হৈছিল৷ আনহাতে ১৫ জানুৱাৰীত জম্মু কাশ্মীৰৰ পুঞ্চ এলেকাৰ নিয়ন্ত্ৰণ ৰেখাত ভাৰতীয় সেনাক লক্ষ্য কৰি নিশা পাকিস্তানৰ সেনাই গুলীচালনা কৰে৷
সেনাৰ পোষ্টক লক্ষ্য কৰি পাকিস্তানৰ সেনাই নিৰ্বিচৰ গুলীচলনা কৰাত এগৰাকী কেপ্তেইন আহত হয়৷ এলঅ’চিত সমীপত গুলীচালনা কৰাত ভাৰতীয় সেনাওঁ প্ৰত্যুত্তৰ দিছিল৷ ইপিনে ১৪ জানুৱাৰীত ভাৰতীয় সেনাই চলোৱা অভিযানত পাকিস্তানৰ সেনাৰ মেজৰ সহ ৪গৰাকী সেনা জোৱান নিহত হৈছিল৷