পানীত নামি হেৰাই থাকিল শোনিতপুৰৰ এজন ব্যক্তি

মিছামাৰীঃ গা ধুবলৈ পানীত নামি পাৰলৈ নুঠিল শোণিতপুৰৰ এজন লোক৷ ৰাজ্যজুৰি প্ৰবল বানে ত্ৰাসৰ সৃষ্টি কৰাৰ সময়তে আকৌ বানত ডুব গ’ল শোনিতপুৰ জিলাৰ বিভিন্ন অঞ্চল৷ ন কৈ ৰুৱা পথাৰখনৰ পৰা ভঁৰালৰ ধান কেইটালৈকে নষ্ট হ’ল মাথো এদিনৰ বৰষুণে সৃষ্টি কৰা প্ৰবল বানত৷ শেষটো বাঢ়নী পানীৰ পাছতে থন ধৰি উঠিব খোজা চহা জীৱনটোক আকৌ অহা বানে পুনৰ কোঙা কৰি পেলালে৷

তাৰ মাজতে শোনিতপুৰ জিলাৰ মিছামাৰী অঞ্চলত সংঘটিত হয় এক দুৰ্ভাগ্যজনক ঘটনা৷ প্ৰাপ্ত খবৰ মতে মিছামাৰী আৰক্ষী থানাৰ অন্তৰ্গত কঠালগুৰি গাঁৱৰ নিবাসী চুন্দা উৰাং (৪৭) ঘৰৰ কাষেৰে বৈ যোৱা বেঙেনাজুলী নলাত গা ধুবলৈ বুলি পানীত নমাৰ  পাছৰ পৰাই সন্ধানহীন হয়। জানিব পৰা মতে আগদিনা ৰাতি ওচৰৰ ভেৰভেৰি গাঁৱত কৰম পূজা আছিল।