70
চাবুৱাঃ মুখ্যমন্ত্ৰী সৰ্বানন্দ সোণোৱালৰ গৃহ জিলা ডিব্ৰুগড় জিলাৰ বাট-পথৰ দুৰৱস্থাৰ কথা কৈ শেষ কৰিব নোৱাৰি৷ জিলা খনৰ বেছি ভাগ গ্ৰাম্য পথেই জৰাজীৰ্ণ৷ গাড়ী-মটৰ চলাচল কৰিবলৈ উপয়ুক্ত হৈ থকা নাই মুখ্যমন্ত্ৰীৰ গৃহ জিলাৰ বাট-পথ৷
বহু পথৰ দৰেই জিলা খনৰ অন্যতম ব্যস্ত চাবুৱা-টেঙাখাত গড়কাপ্তানী পথ এতিয়া গাড়ী-মটৰ চলাচল কৰিব পাৰ পৰিৱেশ নোহোৱা হৈছে৷ পথটোত গাড়ী-মটৰৰ চলাব পৰা পৰিৱেশ নথকাৰ লগতে নিতৌ দুৰ্ঘটনা সংঘটিত হৈ আহিছে৷ পথটো মেৰামতিৰ অবাৱত এনে পৰিৱেশৰ সৃষ্টি হোৱা বুলি অভিযোগ উত্থাপন কৰিছে ছাত্ৰ মুক্তি সংগ্ৰাম সমিতি আৰু জাতীয়তাবাদী যুৱ-ছাত্ৰ পৰিষদৰ চাবুৱা আঞ্চলিক সমিতিয়ে।
