54
নতুন দিল্লীঃ নতুনকৈ নিৰ্মাণ কাৰ্য চলি থকা সংসদ ভৱনৰ সৈতে প্ৰধানমন্ত্ৰীৰ বাসভৱনক সংযোগ কৰা হ’ব সুৰংগ পথেৰে। একমাত্ৰ প্ৰধানমন্ত্ৰীৰ আহ-যাহৰ বাবেই ব্যৱহাৰ কৰা হ’ব এই সুৰংগ পথ। প্ৰধানমন্ত্ৰীৰ নিৰাপত্তা ব্যৱস্থা অধিক সুনিশ্চিত কৰি তুলিবলৈকে এই পৰিকল্পনা কৰা হৈছে বুলি জনাইছে চৰকাৰী সূত্ৰই।
সুৰক্ষা বিশেষজ্ঞসকলেও মত পোষণ কৰিছে যে প্ৰধানমন্ত্ৰীৰ দৰে হাই-প্ৰফাইল নেতাই সকলো সময়তে সংসদ ভৱনলৈ সাধাৰণ পথেৰে আহ-যাহ কৰাতো মুঠেই নিৰাপদজনক নহয়। ইয়াৰ লগতে প্ৰধানমন্ত্ৰীৰ কনভয়ক নিৰাপদে যাবলৈ দিবৰ বাবে দীঘলীয়া সময়ৰ বাবে ট্ৰেফিক নিয়ন্ত্ৰণ কৰাত প্ৰায়ে ৰাজপথত সমস্যাত পৰিবলগীয়া হয় সৰ্বসাধাৰণ।
