83
গোৰেশ্বৰঃ যি সময়ত শিক্ষা বিভাগে ৮খনকৈ জিলাত চৰকাৰী খণ্ডৰ বিদ্যালয়ৰ শৈক্ষিক দিশৰ উন্নতিৰ বাবে গুণোৎসৱ অনুষ্ঠিত কৰিছে সেই সময়তে এনে বিদ্যালয়সমূহৰ একাংশৰ জৰাজীর্ণ ৰূপে চৰকাৰী বিভাগৰ ফোঁপোলা স্বৰূপটো উদঙাই দিছে।
এফালে গুণোৎসৱ, আনফালে বিদ্যালয়সমূহৰ আন্তঃগাঁথনিকে ধৰি শৈক্ষিক দুৰৱস্থাই কেনেদৰে ছাত্ৰ-ছাত্ৰীৰ প্ৰকৃত উন্নয়ন সাধিব সেয়া গুৰুত্বপূৰ্ণ বিষয়। বাগসা জিলাৰ গোৰেশ্বৰ শিক্ষাখণ্ডৰ অন্তৰ্গত বাঘডোবা গাঁৱৰ পূব কাউৰবাহা এম ই বিদ্যালয়খনৰ গৃহৰ জৰাজীর্ণ অৱস্থাৰ বাবে ছাত্ৰ-ছাত্ৰীসকলৰ পাঠগ্ৰহণত ষথেষ্ট অসুবিধাৰ সৃষ্টি হৈছে।
