ভৰিৰে লিখি সুখ্যাতিৰে উত্তীৰ্ণ হোৱা দৰিদ্ৰ পৰিয়ালৰ সন্তান জেবিনক সহায়ৰ হাত

newsnextone.com | মোৰাঝাৰঃ হাইস্কুল শিক্ষান্ত পৰীক্ষাত ভৰিৰে লিখি প্ৰথম বিভাগত উত্তীৰ্ণ হোৱা হোজাই জিলাৰ মোৰাঝাৰৰ দিব্যাংগ ছাত্ৰী জেবিন কৌছৰক ৰাজ্যৰ কেইবাটাও অনুষ্ঠানে সহায় কৰিবৰ বাবে ওলাই আহিছে৷ যোৱা ২৫ মে’ত হাইস্কুল শিক্ষান্ত পৰীক্ষাৰ ফলাফল ঘোষণাৰ পিছৰে পৰা জেবিনৰ ঘৰলৈ সমাজ সচেতন লোকৰ সোঁত বৈছে।

বিভিন্ন দল-সংগঠন আগুৱাই আহিছে দৰিদ্ৰ কিশোৰীগৰাকীক সহায় কৰিবৰ বাবে। আজমল ফাউণ্ডেছনে কিশোৰীগৰাকীৰ শিক্ষা জীৱনৰ সমুদায় খৰছ বহন কৰাৰ কথা ঘোষণা কৰে৷ তাৰ লগে লগে সোমবাৰে জেবিনৰ হাতত ৫১ হেজাৰ টকাৰ চেক তুলি দিয়ে আজমল ফাউণ্ডেছনে৷