ডিজিটেল ডেস্কঃ হিন্দি, দক্ষিণৰ ছবিৰ খলনায়কৰ ভূমিকাত অভিনয় কৰি হাজাৰ হাজাৰ লোকৰ অন্তৰ জয় কৰা প্ৰকাশ ৰাজ আৰু বিজেপিৰ নেতাৰ মাজৰ বাকযুদ্ধ অব্যাহত আছে।
সকলোৰে চিনাকী তথা পৰিচিত অভিনেতা প্ৰকাশ ৰাজে শেহতীয়াকৈ চৰকাৰ, বিজেপি দলক তীব্ৰ সমালোচনা কৰি সংবাদ মাধ্যমৰ শিৰোণাম দখল কৰি আহিছে।
প্ৰকাশ ৰাজে কেন্দ্ৰীয় চৰকাৰৰ একাংশ নেতাৰ বিৰুদ্ধে প্ৰকাশ্যে সমালোচনা কৰি বিৰ্তকত সোমাই পৰা দেখা যায়৷ কেতিয়াও কোনো বিষয়তে আপোচ কৰিব নোখোজা প্ৰকাশ ৰাজে এক অনুষ্ঠানত কয় যে, "মই হিন্দু বিৰোধী নহয়, মই মোদী বিৰোধী, হেগৰে বিৰোধী, অমিত শ্বাহ বিৰোধী হয়৷ মোৰ মতে, এই নেতা সকল হিন্দু নহয়৷ কেন্দ্ৰীয় নেতা অনন্ত কুমাৰ হেগৰে এটা ধৰ্মক পৃথিৱীৰ পৰা নোহোৱা কৰিব বিচাৰিছে৷ এইজন ব্যক্তি কেতিয়াও হিন্দু হ’বই নোৱাৰে"।
লগতে প্ৰকাশ ৰাজে কয় যে, "যিসকলে হত্যাকাণ্ডক সমৰ্থন কৰে, সেইসকল হিন্দু হ’ব নোৱাৰে৷ যেতিয়া এইসকল লোকে থিৰাং কৰে যে মই হিন্দু বিৰোধী হয়, তেতিয়াহলে ময়ো এইকথা কব পাৰো যে এইসকল ব্যক্তি হিন্দু নহয়৷" তদুপৰি প্ৰকাশ ৰাজে কেন্দ্ৰীয় মন্ত্ৰী অনন্ত কুমাৰ হেগৰেৰ সংবিধান সলনি কৰাৰ সন্দৰ্ভত কয় ৪ দিন পূৰ্বে মই ছিৰছিত উপস্থিত আছিলো৷
মই তাত সংবিধান সলনি কৰাৰ কথা কোৱা এজন কেন্দ্ৰীয় মন্ত্ৰীৰ বিৰুদ্ধে ভাষণ ৰাখিছিলো৷ যত মই কৈছিলো যে মোৰ ভাৰতীয় সংবিধানৰ প্ৰতি গৰ্ব হয়৷ ছিৰছিৰ সেই একেখন মঞ্চতে মই মন্ত্ৰীজনৰ উদ্দেশ্যে প্ৰশ্ন কৰিছিলো আপুনি বাৰু জানে নে সংবিধানৰ আৰম্ভণিতে এটি প্ৰস্তাৱনা হয়৷ ইয়াৰ অৰ্থ কি আপুনি জানেনে? তেওঁ এই কথাও জনায় যে, যিখন মঞ্চত থিয় হৈ মই এই ব্যক্তব্য ৰাখিছিলো তাত তিনিদিন পিছত একাংশ বিজেপি কৰ্মীয়ে গৈ সেই মঞ্চখনক গোমূত্ৰৰে পৰিস্কাৰ কৰে৷
ইয়াৰ পিছত বিজেপি কৰ্মীসকলে মন্তব্য কৰে যে প্ৰকাশ ৰাজ গোমাংস খায় আৰু গোমাংস খোৱা মানুহক সমৰ্থন কৰে৷ যাৰ বাবে আমি এই মঞ্চক পৰিস্কাৰ কৰিলো৷ মই মঞ্চত কোনো গোমাংস সন্দৰ্ভত মন্তব্য কৰা নাছিলো, তেওঁলোকে কেৱল মাত্ৰ অপপ্ৰচাৰ চলাইছে৷ ইফালে উচ্চতম ন্যায়ালয়ে পদ্মাৱতী ছবিক মুক্তিৰ কথা ঘোষণা কৰে, কিন্তু একাংশ বিজেপি কৰ্মীয়ে ঘোষণা কৰে যে ছবিখন মুক্তি পাব নালাগে৷
আপোনালোকে চৰকাৰত থাকি পেলাই কয় যে ছবি মুক্তি নাপায়৷ যদি আপোনালোকে তেওঁলোকক সমৰ্থন কৰিছে তেতিয়াহলে আমাৰ আৰু অভিব্যক্তিৰ স্বাধীনতাৰ বিৰুদ্ধে আপোনালোকে নহয় নেকি বুলি প্ৰশ্ন কৰে৷ যদি আমাৰ প্ৰধানমন্ত্ৰীয়ে নিজৰ মন্ত্ৰীক এইধৰণৰ মন্তব্য দিওঁতে বাধা প্ৰদান কৰিব নোৱাৰে তেতিয়া হলে মই আমাৰ প্ৰধানমন্ত্ৰীক কম যে আপুনিও হিন্দু নহয়৷
.