ডিজিটেল ডেস্কঃ ৰাষ্ট্ৰপতি হিচাপে অন্তিমটো দিনত প্ৰধানমন্ত্ৰী নৰেন্দ্ৰ মোদীৰ পত্ৰ লাভ কৰি অভিভূত হৈ পৰিল প্ৰাক্তন ৰাষ্ট্ৰপতি প্ৰণৱ মুখাৰ্জী। নমোৰ চিঠিয়ে তেওঁক ইমানেই আপ্লুত কৰি তুলিলে যে সেয়া তেওঁ টুইটাৰত শ্বেয়াৰ নকৰাকৈ থাকিব নোৱাৰিলে।
চিঠিৰ আৰম্ভণিতে বিদায়ী ৰাষ্ট্ৰপতিৰ সৈতে নিজকে একাত্ম কৰি তুলিছে প্ৰধানমন্ত্ৰীয়ে। আন্তৰিক ‘প্ৰণৱ দা’ সম্বোধনেৰে আৰম্ভ কৰিছে চিঠিখন। দেশৰ বাবে সমগ্ৰ জীৱন বিশেষকৈ যোৱা ৫টা বছৰ প্ৰণৱ মুখাৰ্জীৰ অৱদানৰ বাবে গভীৰ শ্ৰদ্ধাজ্ঞাপন কৰি নমোৱে চিঠিখনত লিখিছে, ‘আপোনাৰ সাধাৰণ জীৱনযাপন, উচ্চ চিন্তা আৰু দৃষ্টান্তমূলক নেতৃত্ব আমাৰ বাবে অনুপ্ৰেৰণা। তিনিবছৰ পূৰ্বে একেবাৰে বহিৰাগত হিচাপে দিল্লীলৈ আহিছিলো। আমাৰ সমুখত প্ৰতিটো কামেই আছিল প্ৰত্যাহ্বানমূলক। এই সমখখিনিত আপুনি আমাৰ পিতৃ তথা মেণ্টৰৰ ভূমিকা পালন কৰিছিল। আপোনাৰ জ্ঞান, পৰিচালনা আৰু বোধশক্তিয়ে আমাক অসীম শক্তি আৰু আত্মবিশ্বাস দিছে।’
