সম্পত্তিৰে দুখীয়া অথচ জনসমৰ্থনেৰে ধনাঢ্য কোন এই মন্ত্ৰী?

নতুন দিল্লীঃ প্ৰধানমন্ত্ৰী নৰেন্দ্ৰ মোডীৰ ২.০ মন্ত্ৰীসভাৰ এজন সদস্যক লৈ সৰ্বাধিক চৰ্চা হোৱা দেখা গৈছে। তেওঁৰ নাই কোনো অট্টালিকা, বিলাসী গাড়ী বা বেংক বেলেন্স। তেওঁৰ আছে মাথো জনসমৰ্থন।

আজীৱন চাইকেল চলাইয়ে গাঁৱে গাঁৱে ভ্ৰমি তেওঁ দুখীয়াক যৎকিঞ্চিৎ সহায় কৰি গৈছে। সমাজ সেৱা কৰি অহা লোকজনেৰ নাম প্ৰতাপ চন্দ্ৰ সাৰেংগী৷ পূৰ্বে ওড়িশাৰ নীলাগিৰি বিধানসভা সমষ্টিৰপৰা বিজেপিৰ হৈ দুবাৰ বিধায়ক হিচাপে নিৰ্বাচিত হোৱা প্ৰতাপ চন্দ্ৰ সাৰেংগীয়ে এইবাৰ সাংসদ হৈ নৰেন্দ্ৰ মোডীৰ মন্ত্ৰীসভাত স্থান পাই চৰ্চালৈ আহিছে৷