পাভ সমবায় সমিতিৰ সভাপতিৰ বিৰুদ্ধে অনাস্থা

লালুকঃ লখিমপুৰ জিলাৰ পাভ সমবায় সমিতিৰ সভাপতিৰ বিৰুদ্ধে যুৱ ব্যৱসায়ীক হত্যাৰ অভিযোগ উত্থাপন হোৱাৰ পাছৰে পৰা সভাপতিগৰাকী অন্তৰ্ধান হৈ আছে৷

তাৰ মাজতে সভাপতিগৰাকীৰ বিৰুদ্ধে পাভ সমবায় সমিতিৰ সদস্য সকলে অনাস্থা দিয়াৰ এক বাতৰি পোৱা গৈছে৷ যুৱনগৰৰ যুৱ ব্যৱসায়ী গুলজাৰ খানৰ হত্যা কাণ্ডৰ সৈতে নাম সাঙোৰ খোৱাৰ পিচৰে পৰা ৰহস্যজনকভাৱে আত্মগোপন কৰি থকা সমিতিৰ সভাপতি আলতাফ হুচেইনৰ বিৰুদ্ধে আজি সমিতিৰ কাৰ্যকৰী সভাত অনাস্থা প্ৰস্তাৱ গৃহিত হয় ৷