newsnextone.com | কাকপথাৰঃ সদৌ অসম ছাত্ৰ সন্থাৰ ছৈখোৱা অাঞ্চলিক সমিতিয়ে ড০ ভূপেন হাজৰিকা সেতুৰ সমীপত উত্তৰ পূৰ্বাঞ্চল ড০ ভূপেন হাজৰিকা সমন্বয় ক্ষেত্ৰৰ প্ৰকল্প নিৰ্মাণৰ কাম শীঘ্ৰে অাৰম্ভ কৰাৰ দাবীত তিনি ঘণ্টীয়া অৱস্থান ধৰ্মঘট কাৰ্যসুচী ৰূপায়ন কৰে। শনিবাৰে দিনৰ ১১ বজাৰ পৰা অাৰম্ভ কৰা অৱস্থান ধৰ্মঘট কাৰ্যসুচীত সন্থাৰ তিনিচুকীয়া জিলা সমিতিৰ কৰ্মকৰ্তাই অংশগ্ৰহণ কৰি অসম চৰকাৰে মুখৰ ফুলজাৰি মৰা কাৰ্যক তীব্ৰ সমালোচনা কৰে।
অাছুৰ নেতৃত্বই উল্লেখ কৰা মতে, ২০১৭ চনৰ ২৬ মে’ ভাৰতবৰ্ষৰ প্ৰধান মন্ত্ৰী নৰেন্দ্ৰ মোডীয়ে ধলা-শদিয়া সংযোগী দেশৰ বৃহত্তম দলংখন সুধাকণ্ঠ ড০ ভূপেন হাজৰিকাৰ নামত উচৰ্গা কৰাৰ পিছতেই স্বয়ং মুখ্যমন্ত্ৰী সৰ্বানন্দ সোণোৱাল অাৰু সাংস্কৃতিক মন্ত্ৰী নৱ কুমাৰ দলে দলংখনৰ সমীপৰ বৃহৎ এলেকাত উত্তৰ পূৰ্বাঞ্চল ড০ ভূপেন হাজৰিকা সমন্বয় ক্ষেত্ৰ হিচাপে এক পৰ্যটনস্থলী গঢ়াৰ কথা অানুষ্ঠানিকভাৱে ঘোষণা কৰিছিল।
