​পুলৱামা আক্ৰমণত ব্যৱহৃত গাড়ী ধৰা পৰিল চি চি টিভি ফুটেজত

নতুন দিল্লীঃ এখন ৰঙা ৰঙৰ মাৰুতি ইক’ কাৰ! চি আৰ পি এফ ৫৭ খন বাছৰ বৃহৎ কনভয়ৰ সমান্তৰালকৈ বাওঁ দিশেৰে গতি কৰিছে এখন ৰঙা ৰঙৰ ইক’ গাড়ী৷ চি আৰ পি এফৰ ৩ নং বাছখনত থকা নিৰাপত্তাৰক্ষীয়ে অতি কমেও দুই-তিনিবাৰ ইক’ গাড়ীখনৰ চালকক আঁতৰি যাবলৈ চলন্ত বাছৰপৰাই নিৰ্দেশ দিছিল৷

কিন্তু চালকজনে নিৰাপত্তাৰক্ষীজনৰ কথাত গুৰুত্ব নিদি গাড়ীখন এবাৰ কনভয়ৰ ওচৰলৈ আনিছে আৰু এবাৰ আঁতৰাই লৈ গৈছে৷ এনেদৰে ইক’ ভেনখনৰ চালকজনে এক-দুই মিনিট গাড়ীখন ঢলং-পলংকৈ চলাই অৱশেষত তাৰ অসৎ উদ্দ্যেশ্য সফল কৰে৷