পুনেঃ শনিবাৰে পুৱতি নিশা পুনেৰ কণ্ডৱা অঞ্চলত পাৰ্কিং স্থানৰ এখন দেৱাল খহি পৰাত অতি কমেও ১৭ জন লোক নিহত হয়। নিহতসকলৰ ভিতৰত চাৰিটা শিশুও আছে।
উদ্ধাৰ কাৰ্য এতিয়াও অব্যহত আছে আৰু গুৰুতৰভাৱে আহত তিনিজন লোকক হাস্পতালত ভৰ্তি কৰোৱা হৈছে। ভগ্নাৱশেষৰ তলত আৰু অধিক লোক সোমাই থকাৰ সন্দেহ কৰা হৈছে।
নিশা প্ৰায় ১ঃ৩০ বজাত দেৱালখন খহি পৰে। নিহতসকল শ্ৰমিক আছিল বুলি দানিব পৰা হৈছে।
অঞ্চলটোত বৃহৎ নিৰ্মাণকাৰ্য চলাই থকা হৈছে আৰু এই কামত বিশেষকৈ বিহাৰ আৰু পশ্চিম বংগৰ শ্ৰমিকে তাত কাম কৰি আছে।
এনডিআৰএফে ভগ্নাৱশেষৰ তলৰপৰা ১৯ জন লোকক এতিয়ালৈকে ওলিয়ায় আনিছে আৰু তাৰে তিনিজনক সংকটজনক অৱস্থাত হাস্পতালত ভৰ্তি কৰোৱা হৈছে।