কামপুৰত পথ নিৰ্মাণৰ দাবীত ৰাইজৰ উত্তাল প্ৰতিবাদ

কামপুৰঃ ৰাজ্যত বিজেপি চৰকাৰ গঠন হোৱাৰ পূৰ্বৰে পৰা সৰ্বানন্দ সোণোৱাল নেতৃত্বাধীন মন্ত্ৰীসভাৰ প্ৰতিনিধি সকলে দিয়া প্ৰতিশ্ৰুতিসমূহ বৰ্তমানেও প্ৰতিশ্ৰুতি হৈয়ে ৰৈছে ৷ সকলোবোৰ যেন ফুটুকাৰ ফেন ৷ বিভিন্ন আঁচনি ৰূপায়ণৰ প্ৰতিশ্ৰুতিৰে মন্ত্ৰী-বিধায়ক সকলে বহুবল্কী ভাষণৰ ফুলজাৰিৰে মোহাচন্ন কৰি ৰাখিছে সাধাৰণ জনতাক৷ সমাধান কৰিব পৰা নাই কোনোধৰণৰ সমস্যা৷ বৰ্তমানেও ৰাজ্যৰ বাট-পথে জুৰুলা কৰিছে আহিছে ৰাইজক৷

নগাঁও জিলাৰ কামপুৰত মঙলবাৰে কুঁৱৰীআটি গাঁৱলৈ আৱন্টিত হোৱা এটা পথ নাৰিকলি গাঁৱলৈ স্থানান্তৰিত কৰাক বাবে গড়কাপ্তানী বিভাগৰ বিৰুদ্ধে ৰাইজে কামপুৰ-ৰহা সংযোগী পথ বন্ধ কৰি ৰাইজে উত্তাল প্ৰতিবাদ সাব্যস্ত কৰে৷ কামপুৰৰ বাট-পথবোৰ দেখিলেই সহজে অনুমান হয় যে কি দুৰৱস্থাত অহা-যোৱা কৰিবলগীয়া হৈছে কামপুৰবাসীয়ে।