বিড়ম্বনা… দেশভক্তিৰ প্ৰমাণ-পত্ৰ দিয়া আৰ এছ এছৰ ভগ্নী সংগঠনে সোঁৱৰিলে ৰাণী ভিক্ট’ৰিয়াক

গুৱাহাটীঃ ভাৰতত ঔপনিৱেশিক শাসন চলাই এই ভূ-খণ্ডৰ অৰ্থনীতিক কোঙা কৰি পেলোৱা ব্ৰিটিছ ঔপনিৱেশিকতাৰ গুণ-গানত এইবাৰ গদগদ সততে দেশপ্ৰেমৰ প্ৰমাণ-পত্ৰ দিয়া আৰ এছ এছৰ ভগ্নী সংগঠন হিন্দু সেনাই। 

অকল ইমানেই নহয়, চিপাহী বিদ্ৰোহক চলে-বলে-কৌশলেৰে দমন কৰি ভাৰতত ব্ৰিটিছ শাসন সুদৃঢ় কৰা ৰাণী ভিক্ট’ৰিয়া এই সংগঠনটোৰ বাবে গড মাডাৰ। সেয়ে ভৰতত ঔপনিৱেশিক শাসনৰ পাতনি মেলা ৰাণী ভিক্ট’ৰিয়াৰ মৃত্যু দিৱস মঙলবাৰে উদযাপন কৰিলে হিন্দু সেনা নামৰ এই সংগঠনটোৱে।