মোডীৰ মডেল ৰাজ্য গুজৰাটেই পিছ পৰি ৰৈছে স্বাস্থ্য আৰু শিক্ষা খণ্ডত

ডিজিটেল ডেস্কঃ ২০১৪ চনত গুজৰাট মডেলক সাৰোগত কৰিয়ে দেশ ব্যাপী নিৰ্বাচনৰ প্ৰচাৰ কৰিছিল প্ৰধানমন্ত্ৰী নৰেন্দ্ৰ মোডীয়ে৷ ক্ৰমান্বয়ে মোডীৰ ৰাজ্য গুজৰাটৰ বিভিন্ন সমস্যাৰ কথা প্ৰকাশ হ’ব ধৰিছে৷ গুজৰাটৰ যোৱা বিধানসভা নিৰ্বাচনত ৰাজ্য খনৰ প্ৰকৃত স্বৰূপটো ওলাই পৰিছিল৷ ইয়াৰ লগে লগে ৰাজ্যখনৰ শিক্ষা আৰু স্বাস্থ্যখণ্ডৰো অৱস্থা ভাল নহয়, এই কথা বিৰোধী দলে নহয় খোদ নীতি আয়োগৰ অধ্যক্ষই প্ৰকাশ কৰিছে৷

  
ঔদ্যোগীকৰণত ভাল প্ৰদৰ্শন দেখুৱালেও স্বাস্থ্য আৰু শিক্ষাখণ্ডত পিছ পৰি আছে প্ৰধানমন্ত্ৰী নৰেন্দ্ৰ মোডীৰ গৃহ ৰাজ্য গুজৰাট৷ এই মন্তব্য কৰে নীতি আয়োগৰ উপাধ্যক্ষ ৰাজীৱ কুমাৰে৷ কুমাৰে ৰাজ্যখনৰ মুখ্যমন্ত্ৰী বিজয় ৰুপানী তথা জ্যেষ্ঠ কাৰ্যকৰ্তাসকলৰ সৈতে সাক্ষাৎ কৰাৰ পাছত কয়,  শিক্ষা আৰু স্বাস্থ্যখণ্ডত ঔদ্যোগীকৰণ, বুনিয়াদী আন্তঃগাঁথনিৰ দৰে আন কেতবোৰ বিষয়তকৈ পিছ পৰি ৰৈছে৷