হৰিশিঙাঃ অসম লোকসেৱা আয়োগৰ পৰীক্ষাত উজলিল হৰিশিঙাৰ ৰাকেশ দাস। হৰিশিঙা নিবাসী ২নং পট্টিৰ ফুকন দাস আৰু মলয়া কাকতিৰ একমাএ পুত্ৰ ৰাকেশে অসম লোকসেৱা আয়োগৰ সদ্য ঘোষিত ফলাফলত সফলতাৰে উত্তীৰ্ণ হৈ হৰিশিঙালৈ গৌৰৱ কঢ়িযাই আনিছে।
হৰিশিঙা উচ্চতৰ মাধ্যমিক বিদ্যালয়ৰ পৰা হাইস্কুলীয়া শিক্ষা গ্ৰহণ কৰি ২০০৫ চনত দৰং মহাবিদ্যালয়ৰ পৰা উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ হৈছিল ৰাকেশ৷
পৰৱৰ্তী সময়ত নিজ প্ৰচেষ্টাৰ বলত ২০১৩ চনত প্ৰথম শ্ৰেণীৰ প্ৰযুক্তি বিদ্যাৰ স্নাতকোত্তৰ ডিগ্ৰী লাভ কৰে ৰাকেশে৷
বৰ্তমান অৰুণাচল প্ৰদেশৰ টিৰাপ জিলাত ভাৰত চৰকাৰৰ তথ্য প্ৰযুক্তি বিভাগত কৰ্তব্যৰত হৈ আছে ৰাকেশ।ব্যস্ততাৰ মাজেৰে এপিএছছিৰ পৰীক্ষাত উত্তীৰ্ণ হৈ সফলতা আজুৰি আনিছে মেধাৱী ছাত্ৰজনে।
স্বাভাৱিকতে ৰাকেশৰ সাফল্যত পৰিয়ালৰ লগতে সমগ্র হৰিশিঙাবাসী ৰাইজক আনন্দিত কৰি তুলিছে। এই সাফল্যৰ বাবে হৰিশিঙা আছুই শুভেচ্ছা জ্ঞাপন কৰিছে ৰাকেশক৷