66
ৰঙিয়াঃ বুধবাৰে পুৱাই ৰঙিয়াত ঘাই পথ প্ৰাধিকৰণৰ বিৰুদ্ধে ঘাই পথ অৱৰোধ কৰি উত্তাল প্ৰতিবাদ সাব্যস্ত কৰে ৰাইজে৷ গৰিয়া যুৱ-ছাত্ৰ পৰিষদ, আক্ৰাছু আৰু কলিতা জনগোষ্ঠী ছাত্ৰ সন্থাৰ নেতা-কৰ্মীয়ে উত্তাল প্ৰতিবাদ সাব্যস্ত কৰি ৩১নং ৰাষ্ট্ৰীয় ঘাই পথ নিৰ্মাণৰ সৈতে জৰিত পুঞ্জলয়ড নামৰ কোম্পানীৰ বিৰুদ্ধে ক্ষোভ ব্যক্ত কৰে৷
ৰঙিয়াৰ চেপ্তিত ৩১নং ৰাষ্ট্ৰীয় ঘাই পথ অৱৰোধ কৰি সংগঠন তিনিটাই পুঞ্জলয়ড কোম্পানীয়ে ৰাষ্ট্ৰীয় ঘাইপথ নিৰ্মাণত ব্যাপক দুৰ্নীতি সংঘটিত কৰা বুলি অভিযোগ উত্থাপন কৰে৷ অত্যন্ত আসোৱাহপূৰ্ণ কাম কৰাৰ ফলত সঘনাই পথ দুৰ্ঘটনা সংঘটিত হৈ আহিছে বুলি কয় সংগঠন তিনিটাই৷
