ৰঙিয়াঃ ৰঙিয়াৰ মাজেৰে যোৱা ৩১ নং ৰাষ্ট্ৰীয় ঘাইপথৰ ছ’চাইটী চ’কত মঙলবাৰে আবেলি এক পথ দুৰ্ঘটনাত এজন লোকৰ মৃত্যু হয়।
জানিব পৰা মতে মৃত লোকজন বাক্সা জিলাৰ কাউৰবাহাৰ এ পি জে আব্দুল কালাম হাইস্কুলৰ প্ৰধান শিক্ষক আগবৰ আলী (৫২)। প্ৰায় ৪.৩০ বজাত গুৱাহাটীৰপৰা অহা যাত্ৰীবাহী বাছ এখনৰপৰা আগৱৰ আলী ৰঙিয়াৰ ছ’চাইটী চ’কত নামে।
চ’কটোত নামিয়ে শিক্ষকজনে ৰাষ্ট্ৰীয় ঘাইপথ অতিক্ৰম কৰিবলৈ লওঁতেই গুৱাহাটীৰ ফালৰপৰা অহা এখন ইটা ভৰ্তি ট্ৰাকে খুন্দা মাৰে। লগে লগে লোকজনে ঘটনাস্থলীতে মৃত্যুক সাৱটি লয়।
মৃত ব্যক্তিজনৰ ঘৰ ৰঙিয়া মহকুমাৰ ডিমু বেইছা গাঁৱৰ বুলি জানিব পৰা গৈছে। মৃত্যুৰ সময়ত প্ৰয়াত আগবৰ আলীয়ে পত্নীৰ লগতে এজন পুত্ৰ সন্তান আৰু এগৰাকী কন্যা সন্তান এৰি থৈ যায়।