ৰঙিয়াত দুৰ্ঘটনাত পতিত অচিনাক্ত লোকৰ মৃত্যু

ৰঙিয়াঃ ২০ ডিচেম্বৰৰ পুৱা ৰঙিয়া চহৰৰ বালাগাৱত ৩১নং ৰাষ্ট্ৰীয় ঘাইপথত তীব্র বেগী বলেৰ’ পিকআপে খুন্দিয়াই গুৰুতৰ ভাৱে আহত কৰা অচিনাক্ত লোকজনৰ বৃহস্পতিবাৰে পুৱাই জি এম চি এইচত মৃত্যু হয়। যোৱা সাতদিন চিকিৎসালয়ৰ বিছনাত মৃত্যুৰে যুজ দি অৱশেষত মৃত্যুক সাৱটি লয় লোকজনে। 

২০ ডিচেম্বৰৰ পুৱা বলেৰ’ পিকআপৰ খুন্দাত গুৰুতৰ ভাৱে আহত হোৱাত প্ৰথমে ৰঙিয়া সামূহিক চিকিৎসালয়ত ভৰ্তি কৰাই আৰক্ষীয়ে সংকটজনক অৱস্থাত জি এম চি এইচ লৈ প্ৰেৰণ কৰিছিল অচিনাক্ত লোকজনক। প্ৰায় ৪৫ বছৰীয়া লোকজনক আৰক্ষীয়ে চিনাক্ত কৰিব পৰা নাছিল৷