61
নগাঁওঃ নগাঁও জিলাৰ বটদ্ৰৱা সমষ্টিৰ অন্যতম গুৰুত্বপূৰ্ণ পথ হৈছে ডিমৌ-ৰাইদঙীয়া সংযোগী গড়কাপ্তানী পথটি। অসমীয়া কলা-কৃষ্টি-সাহিত্য-সংস্কৃতিৰ জনক মহাপুৰুষ শ্ৰীমন্ত শংকৰদেৱৰ ইতিহাস বিজড়িত শ্ৰী শ্ৰী বটদ্ৰৱা থানলৈ অহা-যোৱা কৰাৰ ক্ষেত্ৰত অতীজৰে পৰা নামনি অসমৰ ৰাইজে সততে ব্যৱহাৰ কৰি আহিছে এই পথটি ৷
দীৰ্ঘদিনে মেৰামতিৰ অভাৱত জৰাজীৰ্ণ হৈ পৰা এই পথটি যোৱা মাৰ্চ মাহত ৰাইজৰ দাবীৰ প্ৰতি সহাঁৰি জনাই গড়কাপ্তানী বিভাগে ইয়াৰ নিৰ্মাণৰ ব্যৱস্থা গ্ৰহণ কৰে ৷ সেই অনুসৰি স্থানীয় দুজন ঠিকাদাৰে উক্ত পথটোৰ চকলাঘাটৰ খৌৰামুচৰ-বৰডুবীয়া প্ৰাথমিক বিদ্যালয়ৰ সমীপৰ পৰা ব্ৰাহ্মনগাঁৱলৈকে থকা অংশচোৱাৰ পকীকৰণ কৰে৷
