পথ মেৰামতিৰ দাবীত ৰঙিয়াত আছুৰ প্ৰতিবাদ

ৰঙিয়াঃ পৰিবৰ্তন আৰু উন্নয়নৰ শ্ল’গানেৰে ৰাজ্যৰ শাসনৰ গাদী দখল কৰা বিজেপি চৰকাৰৰ বিৰুদ্ধে প্ৰতিবাদ অব্যাহত ৰাখিছে আছুই৷ বাট-পথ উন্নয়নৰ দাবীত আজি ৰঙিয়াত আছুই উত্তাল প্ৰতিবাদ সাব্যস্ত কৰে৷ সোণোৱাল চৰকাৰৰ বিৰুদ্ধে আছুৰ প্ৰতিবাদ সাব্যস্ত কৰি বাট-পথ উন্নয়ণৰ দাবী জনায়৷

পশ্চিম ৰঙিয়া আঞ্চলিক ছাত্ৰ সন্থাই ৰঙিয়া-ধমধমা সংযোগী পথ অৱৰোধ কৰি প্ৰতিবাদ সাব্যস্ত কৰে৷ মেৰামতিৰ অভাৱত জৰাজীৰ্ণ হৈ পৰি থকা এই পথটোৱে বহুদিন ধৰি অঞ্চলবাসীক যমৰ যাতনা ভুগাই আহিছে৷ আনহাতে জৱাহৰ নৱোদয় বিদ্যালয়লৈ যোৱা গুৰুত্বপূৰ্ণ এই পথটোৰ দুৰ্দশাৰ বাবে জীয়াতু ভুগিবলগীয়া হৈছে স্কুলীয়া ছাত্ৰ-ছাত্ৰী সকলেও।