ডিজিটেল ডেস্কঃ শুকুৰবাৰে নিশা জম্মু কাশ্মীৰত সেনাৰ চুঞ্জৱান সেনাৰ শিবিৰত উগ্ৰপন্থীয়ে ভয়াবহ আক্ৰমণ সংঘটিত কৰাৰ সময়তে জম্মু কাশ্মীৰ বিধান সভাত শনিবাৰে বিষয়টো লৈ পৰিস্থিতি উত্তপ্ত হৈ পৰে। সন্ত্ৰাসবাদীৰ আক্ৰমণক গৰিহণা দি একাংশ বিধায়কে চৰকাৰক বিফল আখ্যা দিয়ে৷ শুকুৰবাৰে নিশা সেনাৰ শিবিৰৰ পিছফালেৰে সন্ত্ৰাসবাদী প্ৰৱেশ কৰে চুঞ্চৱান সেনাৰ শিবিৰত৷ সন্ত্ৰাসবাদী আফজল গুৰুৰ বৰ্ষপূৰ্তি অহাৰ সময়তে চোৰাংচোৱাই এনে ঘটনা সংঘটিত হ’ব পাৰে আশংকা কৰিছিল৷
২০১৩ চনত ন্যায়ালয়ে ফাঁচি দিছিল সন্ত্ৰাবাদী আফজাল গুৰুক৷ তাৰেই প্ৰতিক্ৰিয়া হিচাপে এই আক্ৰমণ সংঘটিত হোৱা বুলি সন্দেহ কৰা হৈছে। ঘটনাৰ বিৱৰণি মতে তিনিগৰাকী সন্ত্ৰাসবাদীয়ে আবাসীক এলেকাত প্ৰৱেশ কৰি নিৰ্বিচাৰ গুলীচালনা কৰে৷ কোনো উগ্ৰপন্থীয়ে এই ঘটনাৰ দায়িত্ব স্বীকাৰ কৰা নাই যদিও জইচ-ই-মহম্মদে এই কাণ্ড সংঘটিত কৰা বুলি সন্দেহ কৰা হৈছে৷ পুৱা ৪.৫৫ বজাত প্ৰৱেশ কৰি চেন্ট্ৰীক লক্ষ্য কৰি গুলীচলনা কৰে৷