75
newsnextone.com | ৰৌতাঃ ১৯৯৩ চনৰ ১০ জুন তাৰিখে স্থাপন হোৱা ওদালগুৰি জিলাৰ অন্তৰ্গত ৰৌতা কনিষ্ঠ মহাবিদ্যালয়খনে চলিত বৰ্ষৰ ১০ জুন তাৰিখে ২৫ বছৰ অতিক্ৰম কৰে। ২৫ বছৰ গৰকা মহাবিদ্যালয় কৰ্তৃপক্ষ আৰু পৰিচালনা সমিতিৰ সিদ্ধান্তমৰ্মে যোৱা ২২ আৰু ২৩ চেপ্তেম্বৰ তাৰিখে দুদিনীয়া বৰ্নাঢ্য কাৰ্যসূচীৰে ৰূপালী জয়ন্তী উদযাপন কৰা হয়।
সেই উপলক্ষে নিখিল বড়ো ছাত্ৰ সন্থাৰ ৰৌতা আঞ্চলিক সমিতিৰ তৰফৰ পৰা ৰৌতা স্থিত বিএছএনএল টাৱাৰৰ কাষত এখন আদৰণি তুৰণ দিয়া হৈছিল। কিন্তু যোৱা শনিবাৰে নিশা অচিনাক্ত দুৰ্বৃত্তই তুৰণখন ভাঙি লণ্ডভণ্ড কৰি মাটিত পেলাই থৈ যায়। উক্ত ঘটনাটোক লৈ বৃহত্তৰ ৰৌতা অঞ্চলত চেপা উত্তেজনাই বিৰাজ কৰা পৰিলক্ষিত হৈছে।