২৪ ঘণ্টাই বিদ্যুৎ নোপোৱাত ক্ষোভ, ৰৌতাত ‘শক্তি মন্ত্ৰী হায় হায়, তপন গগৈৰ কাম নাই’ শ্ল’গান আছুৰ

newsnextone.com | ৰৌতাঃ বিদ্যুতৰ সঘন লুকা-ভাকুত অতিষ্ঠ এতিয়া ৰাইজ। ৰাজ্যৰ বিভিন্ন প্ৰান্তৰ লগতে ওদালগুৰি জিলাৰ ৰৌতা অঞ্চলৰ ৰাইজও অতিষ্ঠ হৈ পৰিছে বিদ্যুতৰ সঘন আহ-যাহত। দিনটোৰ ২৪ ঘন্টাৰ ভিতৰত তিনি ঘণ্টাও বিদ্যুৎ যোগান ধৰিব নোৱাৰা বিদ্যুৎ বিভাগৰ বিৰুদ্ধে ক্ষোভিত হৈ পৰিছে  ৰৌতাবাসী ৷

যোৱা বিধানসভা নিৰ্বাচনৰ সময়ত বিজেপি দলে দিয়া প্ৰতিশ্ৰুতিৰ ভিতৰত অন্যতম প্ৰতিশ্ৰুতি আছিল ২৪ ঘণ্টা বিদ্যুৎ যোগান ধৰাৰ প্ৰতিশ্ৰুতি৷ কিন্তু সেই প্ৰতিশ্ৰুতি ওদালগুৰি জিলাৰ বৃহত্তৰ ৰৌতা অঞ্চলত পালন কৰিবলৈ সক্ষম হোৱা নাই ৰাজ্যৰ বিজেপি চৰকাৰে৷ উৎকট গৰমে অসহ্যকৰ কৰি তুলিছে জনজীৱন৷ ব্যাঘাট জন্মাইছে স্বাভাৱিক জীৱন প্ৰক্ৰিয়াত৷ সঘনাই বিদ্যুতৰ লুকা-ভাকুৰ ফলত অঞ্চলটোৰ শৈক্ষিক দিশত বেয়াকৈ প্ৰভাৱ পেলোৱাৰ লগতে বিদ্যুতত নিৰ্ভৰ কৰি চলি থকা লঘু উদ্যোগ সমূহ বিদ্যুতৰ অভাৱত বন্ধ হোৱাৰ উপক্ৰম হোৱাৰ অভিযোগ উত্থাপন হৈছে।