44
নতুন দিল্লীঃ নতুন দায়িত্বত যোগদান নকৰাকৈয়ে পদত্যাগ কৰিলে চিবিআইৰ প্ৰাক্তন সঞ্চালক আলোক বাৰ্মাই। উচ্চতম ন্যায়ালয়ে সপক্ষে ৰায় দিয়াৰ পিছতো বৃহস্পতিবাৰে পুনৰ প্ৰধানমন্ত্ৰী নৰেন্দ্ৰ মোদী নেতৃত্বাধীন নিৰ্বাচক মণ্ডলীয়ে অনুসন্ধান সংস্থাটোৰ মূৰব্বী পদৰ পৰা বাৰ্মাক অপসাৰণ কৰে।
চিবিআইৰ মূৰব্বী পদৰ পৰা অপসাৰণ কৰি আলোক বাৰ্মাক অগ্নিনিৰ্বাপক বাহিনীৰ সঞ্চালক প্ৰধান হিচাপে বদলি কৰা হয়। কিন্তু আজি উক্ত পদত যোগদান নকৰাকৈয়ে সকলো চৰকাৰী দায়িত্বৰ পৰা পদত্যাগ কৰে প্ৰাক্তন চিবিআই সঞ্চালকগৰাকীয়ে।
