07 Apr

কাৰাগাৰত দ্বিতীয় নিশা কটালে ‘ভাইজান’ ছলমানে, শনিবাৰে ন্যায়াধীশ ৰবীন্দ্ৰ কুমাৰ যোশীয়ে দিব জামিনৰ ৰায়

By NNO WEB BUREAU 0 Comments

ডিজিটেল ডেস্কঃ বলিউডৰ চুপাৰষ্টাৰ ছলমান খানে ৰাজস্থানৰ জোধপুৰ কেন্দ্ৰীয় কাৰাগাৰত দ্বিতীয়টো নিশা কটালে৷ বলিউডৰ চুপাৰষ্টাৰ ছলমান খানৰ অধিবক্তাই শুকুৰবাৰে জোধপুৰ চেচন আদালতত জামিন আৱেদন দাখিল কৰিছিল যদিও জামিনৰ ৰায় এদিনৰ বাবে স্থগিত ৰখা হৈছিল৷ 

শনিবাৰে পুৱা ৯.৩০ বজাত ৰাজস্থানৰ জোধপুৰ জিলা-চেচন আদালতৰ ন্যায়াধীশ ৰবীন্দ্ৰ কুমাৰ যোশী আদালতত উপস্থিত হয়৷ ছলমান খানৰ অধিবক্তা জামিন আৱেদনৰ শুনানি শুকুৰবাৰে অনুষ্ঠিত হৈ গৈছে৷ ছলমান খানৰ জামিন ৰায় ঘোষণা কৰিব ন্যায়াধীশ ৰবীন্দ্ৰ কুমাৰ যোশীয়ে৷

০৫ মাৰ্চত জোধপুৰ আদালতে ২০ বছৰ পুৰণি কৃষ্ণ মৃগ হত্যা গোচৰত ছলমান খানৰ শাস্তি ঘোষণা কৰে৷ জোধপুৰ আদালতে ৫ বছৰৰ কাৰাবাস ঘোষণা কৰে কৃষ্ণ মৃগ হত্যা গোচৰৰ দোষী ছলমানক৷ 

জোধপুৰ জেলত ১০৬ নং কয়দী হিচাপে পৰিচিত হয় ছলমান খান৷ আনহাতে জেলৰ ২ নং ৱাৰ্ডত থাকিব ছলমান থানে৷ যিটো ৱাৰ্ডত কেইবাগৰাকী প্ৰভাৱশালী লোক কাৰাবাস খাটি আছে৷  

বৃহস্পতিবাৰে জোধপুৰ আদালতে শাস্তিৰ ৰায় দিয়ে৷ একেটা দিনতে পুৱা ১১.৫০ বজাত আদালতে দোষী সাব্যস্ত কৰিছিল ছলমান খানক৷ ছলমান খানক ৫বছৰৰ কাৰাবাসৰ ৰায় ঘোষণা কৰাৰ লগতে ১০ হাজাৰ জৰিমণা বিহে ছলমানক৷